17 აპრილს ნატოსა და ევროკავშირის შესახებ საინფორმაციო ცენტრში გაიმართა საქართველოს რეფორმების ასოციაციის (GRASS) კვლევის „გაზომვადი პროპაგანდა: როგორ აადვილებენ ჩვენი სისუსტეები რუსულ გავლენას“ პრეზენტაცია.
კვლევა შემუშავდა რუმინული ორგანიზაციის GlobalFocus Center-ის ინიციატივით, რომელშიც მიმოხილულია საქართველოს, რუმინეთის, ბულგარეთისა და მოლდოვას სტრუქტურული სისუსტეები/გამოწვევები, რომლებმაც შესაძლოა ნაყოფიერი ნიადაგი შეუქმნას რუსეთისა თუ სხვა არალიბერალური აქტორის მხრიდან ჩარევას.
პრეზენტაციაზე წარმოდგენილი იყო როგორც თვისებრივი კვლევის შედეგად გამოვლენილი საქართველოს სისუსტეები ეკონომიკის, პოლიტიკის, საზოგადოებისა და საგარეო პოლიტიკის/უსაფრთოების სფეროებში, ასევე რაოდენობრივი ანალიზის შედეგები, რომლებიც აფასებენ პროპაგანდის მიმართ საქართველოს, რუმინეთის, ბულგარეთისა და მოლდოვას შეღწევადობის ინდექსს.
კვლევა გამოიცა აშშ-ის გერმანიის მარშალის ფონდის პროექტის "შავი ზღვის ფონდი რეგიონული თანამშრომლობისთვის" მიერ.