"საქართველოს რეფორმების ასოციაციის" (GRASS) მთავარი ეკონომისტი ბესო ნამჩავაძე რადიო თავისუფლების დილის გადაცემის სტუმარი იყო
05 მარტი, 2015
0
26 თებერვალს რადიო თავისუფლების დილის გადაცემის სტუმარი იყო ბესო ნამჩავაძე, "საქართველოს რეფორმების ასოციაციის" (GRASS) ეკონომისტი. მან ილაპარაკა ხელისუფლებისა და ბიზნესის მიერ ეკონომიკური მდგომარეობის გაუმჯობესებისთვის დაგეგმილ ნაბიჯებზე. ბესო ნამჩავაძის აზრით, კრიზისის პირველი ნიშნების გამოჩენისთანავე ხელისუფლებას ნაკლებად მკვეთრი გადაწყვეტილებებით შეეძლო ვითარების დასტაბილურება, დღეს მას მეტად მტკივნეული ნაბიჯების გადადგმა უწევს. ნამჩავაძე თვლის, რომ კომერციული ბანკები სხვისი რეკომენდაციის გარეშეც შესთავაზებდნენ თავიანთ მსესხებლებს გადახდის შეღავათიან სქემებს იმისათვის, რომ თავიდან აეცილებინათ გაკოტრება. ანალიტიკოსის აზრით, ცალკეული ობიექტების პრივატიზაციის დროულად გამოცხადების შემთხვევაში, შესაძლოა, შედეგი უკვე ასახულიყო კიდეც ლარის კურსზე. ნამჩავაძის თქმით, ხელისუფლებამ მცდარად შეაფასა ვითარება, როცა ჩათვალა, რომ ლარის კურსის ვარდნა გარე ფაქტორებზე შოკური რეაქცია იყო მხოლოდ.
