GRASS აცხადებს ვაკანსიას ციფრული მარკეტინგის მენეჯერის პოზიციაზე
19 დეკემბერი, 2022
0
GRASS აცხადებს ვაკანსიას ციფრული მარკეტინგის მენეჯერის პოზიციაზე
ორგანიზაციის შესახებ:
„საქართველოს რეფორმების ასოციაცია“ (GRASS) არის მრავალპროფილური ანალიტიკური ცენტრი, რომელიც დაარსდა 2012 წლის ოქტომბერში. GRASS-ის საქმიანობის ძირითადი მიმართულებები მოიცავს საქართველოს საგარეო, უსაფრთხოების, საჯარო პოლიტიკისა და საჯარო ადმინისტრირების სფეროს კვლევასა და მის სიღრმისეულ ანალიზს; ქვეყანაში დემოკრატიული პროცესებისა და სახელმწიფო ინსტიტუტების გამჭვირვალობისა და ანგარიშვალდებულების ხელშეწყობას.
„საქართველოს რეფორმების ასოციაციამ“ შექმნა საქართველოში პირველი ფაქტების გადამმოწმებელი პლატფორმა „ფაქტ-მეტრი“ (www.factcheck.ge). ის მიზნად ისახავს საზოგადოებისთვის საინტერესო საკითხებზე პოლიტიკოსებისა თუ სხვა საჯარო პირების მიერ გაკეთებულ განცხადებებში ფაქტობრივი სიზუსტის დადგენას. გარდა ამისა, „ფაქტ-მეტრის“ საქმიანობა მოიცავს სოციალურ ქსელებსა თუ ონლაინმედიაში გავრცელებული დეზინფორმაციისა და ანტიდასავლური პროპაგანდის წინააღმდეგ ბრძოლას, გავრცელებული ყალბი ამბების გადამოწმებასა და საზოგადოებისთვის ფაქტებზე დაფუძნებული ინფორმაციის მიწოდება. 2017 წლიდან „ფაქტ-მეტრი“ არის ფაქტების გადამოწმების საერთაშორისო ქსელის (International Fact-Checking Network - IFCN) წევრი. 2020 წლიდან „ფაქტ-მეტრი“ არის Meta-ს (Facebook&Instagram) პარტნიორი ფაქტების გადამოწმების პროგრამის ფარგლებში.
საკვალიფიკაციო მოთხოვნები:
- მინიმუმ 3 წლიანი სამუშაო გამოცდილება ციფრული მარკეტინგის სფეროში;
- სასურველია კანდიდატს გავლილი ჰქონდეს ციფრული მარკეტინგის მიმართულებით ტრენინგები ან კურსები;
- აუცილებელია სამუშაო გამოცდილება Facebook და Instagram პლატფორმებთან;
- უპირატესობად ჩაითვლება Tik-Tok, Twitter, YouTube პლატფორმებთან მუშაობის გამოცდილება;
- მნიშვნელოვანია Facebook: Business Suite და ისეთი ინსტრუმენტების სიღრმისეული ცოდნა (Ads Manager, Custom აუდიტორიები და პიქსელის გამოყენება);
- აუცილებელია ინგლისური ენის (წერილობითი და საკომუნიკაციო უნარები) კარგად ფლობა;
- Canva, Photoshop ან Illustrator ცოდნა ჩაითვლება უპირატესობად.
ძირითადი მოვალეობები:
- „ფაქტ-მეტრის“ და GRASS-ის, როგორც ორგანიზაციული ხილვადობის, ასევე მათი პროდუქტების (სტატიები, კვლევები, ვიდეოები და ა.შ.) ციფრულ სივრცეში გაზრდა და პოპულარიზაცია;
- ორგანიზაციის სოციალური ქსელებისთვის დიზაინის შექმნის/შემუშავების პროცესის მართვა და სწორი პოზიციონირების უზრუნველყოფა სოციალურ ქსელებში;
- ორგანიზაციის ციფრულ სივრცეში პოზიციონირებისთვის / კონტენტის შექმნისთვის საჭირო სტრატეგიისა და სამოქმედო გეგმის შემუშავება, მართვა და განხორციელება; განვითარების შემოქმედებითი, კრეატიული გზების მოფიქრება;
- ციფრული მარკეტინგის მიმართულებით საკომუნიკაციო კამპანიების დაგეგმვა და მართვა სოციალურ ქსელებში, ასევე SEM (Search Engine Marketing) და E-mail მარკეტინგის გამოყენება;
- მარკეტინგული კამპანიების ეფექტურობის და ონლაინ ტრეფიკის მონიტორინგი, ანალიზი და რეპორტინგი;
- „ფაქტ-მეტრის“ და GRASS-ის ციფრულ სივრცეში არსებული აუდიტორიების შესწავლა, ანალიზი და მათი ზრდის უზრუნველყოფის მიზნით ინიციატივების შემუშავება და განხორციელება;
- ორგანიზაციის სახელით, კომპეტენციის ფარგლებში, სხვადასხვა აქტივობაში და ღონისძიებაში მონაწილეობა;
- კომპეტენციის ფარგლებში ხელმძღვანელის დამატებითი დავალებების შესრულება.
განაცხადის შემოტანის ბოლო ვადაა 24 დეკემბერი.
დაინტერესებულმა პირებმა გამოგვიგზავნეთ თქვენი CV და პორტფოლიო შემდეგ მისამართზე: [email protected]
Subject-ში მიუთითეთ „ციფრული მარკეტინგის მენეჯერი“
ანაზღაურება განისაზღვრება შერჩეული კანდიდატის კვალიფიკაციის შესაბამისად.
სამუშაოს დაწყების თარიღი: 2023 წლის 8 იანვარი.
შენიშვნა: გასაუბრებაზე მოწვეული იქნებიან მხოლოდ შერჩეული კანდიდატები.
