„საქართველოს რეფორმების ასოციაციამ“ (GRASS) 2020 წლიდან ორთვიანი ანგარიშების სერიის, „დეზინფომეტრის“, გამოცემა დაიწყო. ანგარიშების მიზანს საქართველოში კრემლის და მისი გავლენის აგენტების ანტიდასავლური და პრორუსული გზავნილების გაანალიზება და მათში არსებული ტენდენციების გამოკვეთა წარმოადგენს. 2020 წლის ფარგლებში 5 ორთვიანი ანგარიში გამოიცა. „დეზინფომეტრის“ წლიური ანგარიში აღნიშნულ ანგარიშებს ეყრდნობა და წლის განმავლობაში არსებულ ტენდენციებს გამოკვეთს.