როგორ ებრძვიან ახალ კორონავირუსს აფხაზეთსა და ცხინვალის რეგიონში
31 მარტი, 2020
ოკუპირებული აფხაზეთიდან ზუგდიდის საავადმყოფოში გადმოყვანილ ქალს კორონავირუსი დაუდასტურდა. აფხაზური მედიის ცნობით, აღნიშნული პაციენტი მოსკოვიდან ადლერში ჩავიდა და „რუსულ-აფხაზური საზღვარი“ გადაკვეთა. ვირუსისთვის დამახასიათებელი სიმპტომებით, ჯერ ადგილობრივ საავადმყოფოს მიმართა, მოგვიანებით კი, კლინიკის გადაწყვეტილებით, ზუგდიდში გადავიდა. იმავე ინფორმაციის მიხედვით, ქალი საქართველოს მიერ კონტროლირებად ტერიტორიაზე, გამყოფი ზოლიდან, თავად ქართულმა მხარემ გადმოიყვანა.
