გრასის დეზინფორმაციის ბრიფი: აგვისტოს გამოშვება
31 აგვისტო, 2024
- სახელმწიფო უსაფრთხოების სამსახურის ცნობით, ბიძინა ივანიშვილის ლიკვიდაცია და სახელმწიფო ხელისუფლების დამხობა იგეგმება;
- „ქართული ოცნება“ 2008 წლის ომში „ერთიან ნაციონალურ მოძრაობას“ ადანაშაულებს;
- „ქართული ოცნება“ საარჩევნო კამპანიას განაგრძობს და ირწმუნება, რომ საკონსტიტუციო უმრავლესობა რეპრესიებისთვის, „ლგბტ პროპაგანდისგან“ ქვეყნის დასაცავად, ტერიტორიული მთლიანობის აღსადგენად და მართლმადიდებლობის გასაძლიერებლად სჭირდება;
- მმართველი პარტია საერთაშორისო დონორებზე ზეწოლას განაგრძობს და უცხოურ ჩარევაზე საუბრობს;
- „ქართული ოცნება“ ამბობს, რომ აშშ-თან კავშირები მაშინ აღდგება, როდესაც ვაშინგტონი რევოლუციის მოწყობის მცდელობებს შეწყვეტს;
- 2008 წლის აგვისტოს ომის შესახებ მმართველი პარტიის ნარატივი პროკრემლისტურ პროპაგანდას აძლიერებს;
- პროკრემლისტური პროპაგანდა საუბრობს ევროკავშირის გეგმებზე, გამოიყენოს, არიოს და გაანადგუროს საქართველო;
- პროკრემლისტური ჯგუფები იმეორებენ მმართველი პარტიის ნარატივს, საქართველოში სახელმწიფო გადატრიალების მცდელობებში აშშ-ს ადანაშაულებენ;
- პროკრემლისტური ჯგუფების მტკიცებით, რუსეთთან მოკავშირეობის გარეშე, ტერიტორიული მთლიანობის აღდგენა შეუძლებელია.
