logo.png

საქართველოს რეფორმების ასოციაცია

მრავალპროფილური ანალიტიკური ცენტრი საქართველოში

დეზინფორმაციული ნარატივები უკრაინის ომის შესახებ საქართველოში, 11-17 ივლისი

Screenshot 2022-07-22 165030.png
27 ივლისი, 2022
 0

„GRASS-ის დეზინფორმაციის ბრიფი - პუტინის ომი უკრაინაში“ - უკრაინაში პუტინის ომთან დაკავშირებით საქართველოში გავრცელებული რუსული დეზინფორმაციისა და პროპაგანდის მონიტორინგის შესახებ ყოველკვირეული საინფორმაციო ბიულეტინი. „GRASS-ის დეზინფორმაციის ბრიფი“ მომზადებულია „საქართველოს რეფორმების ასოციაციის“ გუნდის მიერ „პარტნიორობა ღია ინფორმაციისთვის“ (Open Information Partnership – OIP) მხარდაჭერით და მიზნად ისახავს მკითხველს კრემლის დეზინფორმაციის მიერ საქართველოში გავრცელებული გზავნილების მონიტორინგი და ანალიზი მიაწოდოს. საინფორმაციო ბიულეტინი მოიცავს შემდეგ საკითხებს: უკრაინაში არსებული სამხედრო სიტუაციის შესახებ რუსეთის საინფორმაციო მანიპულაციები, მოსკოვის მცდელობები გაამართლოს უკრაინაში წარმოებული არაპროვოცირებული შეჭრა, ყალბი ნარატივები რუსეთზე დაწესებული ეკონომიკური სანქციებისა და უკრაინისადმი გაწეული სამხედრო დახმარების შესახებ. ამასთან, „GRASS-ის დეზინფორმაციის ბრიფში“ ყურადღება გამახვილებულია რუსეთის მიერ ოკუპირებულ აფხაზეთსა და ცხინვალის რეგიონში და ასევე, საქართველოში მცხოვრებ ეთნიკურ უმცირესობებში გავრცელებულ პროპაგანდასა და დეზინფორმაციაზე.


მიმდინარე გამოცემის თემები:

• საგანგაშო პროცესები თბილისში: „ქართული ოცნებისა“ და პროკრემლისტური ძალების სინქრონული თავდასხმები საქართველოს ამერიკელ და ევროპელ პარტნიორებზე გარკვეულ შიშებს და ეჭვებს ბადებს ქვეყნის საგარეო პოლიტიკურ ორიენტაციასთან დაკავშირებით

• საქართველოში მოქმედი პრორუსული ძალები მოსკოვში ქვეყნისთვის ალტერნატიული საგარეო პოლიტიკური „ვარიანტების“ შესარჩევად აქტიურობენ

• რუსული პროპაგანდა „პატიოსან და სამართლიან ომში“ გამარჯვებას წინასწარმეტყველებს - კრემლის პერსპექტივით დანახული ადგილზე არსებული სამხედრო ვითარება

• პროკრემლისტური ძალები კვლავ მოუწოდებენ საქართველოს მთავრობას შეწყვიტოს უკრაინელი ლტოლვილების დახმარება

• რუსეთის ეკონომიკა თანდათან უარესდება, თუმცა კრემლის პროპაგანდა აცხადებს, რომ სანქციები ზიანს მხოლოდ დასავლეთს აყენებს

• შიშის დამნერგავი ნარატივი ომის უკრაინის ფარგლებს გარეთ საქართველოში გავრცელების შესახებ

• პროპაგანდისტული ნარატივები უკრაინისთვის გაწეულ სამხედრო დახმარებასთან დაკავშირებით

• ყურადღება, ლაპარაკობს მოსკოვი: რუსული დეზინფორმაცია Facebook-სა და Instagram-ზე