საქართველოს რეფორმების ასოციაცია (GRASS) აცხადებს ვაკანსიას დეზინფორმაციისა და პროპაგანდის საკითხებზე უფროსი ანალიტიკოსის პოზიციაზე
02 ივნისი, 2023
0
საქართველოს რეფორმების ასოციაცია (GRASS) აცხადებს ვაკანსიას დეზინფორმაციისა და პროპაგანდის საკითხებზე უფროსი ანალიტიკოსის პოზიციაზე.
ძირითადი ვალდებულებები:
- სოციალურ მედიაში რუსულენოვანი ანგარიშებისა და გვერდების ყოველდღიური მონიტორინგი Meta-ს ფაქტების გადამოწმების (3PFC) პროგრამის ფარგლებში;
- მონიტორინგის შედეგად დეზინფორმაციის შემცველი მასალების გამოვლენა და ანალიზი „ფაქტ-მეტრის“ მეთოდოლოგიითა და Meta-ს 3PFC-ით განსაზღვრული კრიტერიუმების მიხედვით;
- შერჩეულ მასალაზე მომზადებული რუსულენოვანი სტატიის რედაქტირება;
- ქართულ ენაზე გავრცელებულ მასალებზე „ფაქტ-მეტრის“ სტატიების მომზადება „ფაქტ-მეტრის“ მეთოდოლოგიითა და Meta-ს ფაქტების გადამოწმების პროგრამით განსაზღვრული კრიტერიუმების მიხედვით;
- Meta-ს ფაქტების გადამოწმების პროგრამის რეგულარულ შეხვედრებსა და სხვა პროგრამულ ღონისძიებებში მონაწილეობა;
- GRASS/„ფაქტ-მეტრის“ პარტნიორ საერთაშორისო (International Fact-Checking Network – IFCN) და რეგიონული ორგანიზაციების (European Fact-Checking Standards Network-EFCSN) მიერ გამართულ შეხვედრებში მონაწილეობა;
- დეზინფორმაციისა და პროპაგანდის საკითხებზე რეგულარული მოხსენებების, ანალიტიკური დოკუმენტების და კვლევების მომზადება GRASS-ის სხვა მკვლევრებთან ერთად;
- საჭიროებისამებრ, „ფაქტ-მეტრის“ სხვა ანალიტიკოსებისათვის სამუშაო პროცესში დახმარების გაწევა;
- ტრენინგების ჩატარება;
- კონფერენციებზე და სხვა, მსგავსი ტიპის ღონისძიებებზე, ორგანიზაციის სახელით წარდგენა;
- Facebook-ის ფაქტების გადამოწმების პროგრამის რედაქტორის მითითებით, სხვა სამსახურეობრივი დავალებების შესრულება;
კვალიფიკაცია და სხვა სავალდებულო მოთხოვნები:
- ჟურნალისტური საქმიანობის (სტატიების მომზადების) და/ან მედია კვლევების ჩატარების გამოცდილება;
- ინგლისური (C1) და რუსული (B2) ენების ცოდნა;
- უმაღლესი განათლება სოციალურ მეცნიერებებში;
- მონაცემების დამუშავებისა და ანალიზის უნარი;
- გუნდური მუშაობის უნარი;
- პრეზენტაციის უნარი;
- საოფისე კომპიუტერული პროგრამების ცოდნა.
ანაზღაურება: 1100 დოლარის ეკვივალენტი ლარებში (დასაბეგრი)
(კვალიფიკაციის შესაბამისად განვიხილავთ ანაზღაურების გაზრდას)
სამუშაო განაკვეთი: სრული დატვირთვა.
დაინტერესებულმა პირებმა 2023 წლის 11 ივნისამდე უნდა გამოაგზავნონ:
- რეზიუმე (CV);
- ორი რეკომენდატორის საკონტაქტო ინფორმაცია, რომელთანაც აპლიკანტს პირდაპირი შრომითი ან აკადემიური ურთიერთობა აკავშირებს.
- მომზადებული/გამოქვეყნებული სტატიის/კვლევის ნიმუში
საბუთები მიიღება ელექტრონული ფოსტით, მისამართზე: [email protected]
წერილის საგანში მიუთითეთ: უფროსი ანალიტიკოსი.
საქართველოს რეფორმების ასოციაცია (GRASS) მრავალპროფილური ანალიტიკური ცენტრია, რომლის საქმიანობის ძირითადი მიმართულებები მოიცავს საქართველოს საგარეო, უსაფრთხოების, საჯარო პოლიტიკისა და საჯარო ადმინისტრირების სფეროს კვლევასა და მის ანალიზს.
„ფაქტ-მეტრი“ (www.factcheck.ge) „საქართველოს რეფორმების ასოციაციის“ ინოვაციური მედია პროექტია. ის მისი პოპულარული და წარმატებული საერთაშორისო ანალოგების (www.politifact.com, www.factcheck.org) შესაბამისად შეიქმნა და ამით, 2013 წელს პირველად საქართველოში ფაქტების გადამოწმების ინიციატივას ჩაეყარა საფუძველი.
„ფაქტ-მეტრი“ მიზნად ისახავს საზოგადოებისთვის საინტერესო საკითხებზე ფაქტებზე დაფუძნებული საჯარო დღის წესრიგის ხელშეწყობას, პოლიტიკოსებისა თუ სხვა საჯარო პირების მიერ გაკეთებულ განცხადებებში ფაქტობრივი სიზუსტის დადგენას და მათი ანგარიშვალდებულების ზრდას. გარდა ამისა, „ფაქტ-მეტრის“ მიზანს წარმოადგენს სოციალურ ქსელებში/სხვადასხვა მედიასაშუალებაში გავრცელებული ყალბი ამბების გადამოწმება და საზოგადოებისთვის ზუსტი ინფორმაციის მიწოდება.
შესაბამისად, „ფაქტ-მეტრის“ მთავარი მიზნებია:
• მკითხველისთვის სწორი, ზუსტი და ფაქტებით გამყარებული ინფორმაციის მიწოდება;
• პოლიტიკოსების ანგარიშვალდებულებისა და პასუხისმგებლობის ზრდა ამომრჩევლის მიმართ;
• ფაქტებზე დამყარებული პოლიტიკური რიტორიკის განვითარების ხელშეწყობა;
• სოციალურ ქსელსა და ინტერნეტ სივრცეში გავრცელებული დეზინფორმაციის გადამოწმება და მკითხველისთვის სწორი ინფორმაციის მიწოდება.
2017 წლიდან „ფაქტ-მეტრი“ „ფაქტების გადამმოწმებელთა საერთაშორისო ქსელის (IFCN) ხელმომწერია, ხოლო 2020 წლიდან - Meta-ს ფაქტების გადამოწმების პროგრამის (Third-Party Fact-Checking Program) პარტნიორი.
